Siirry sisältöön

Skuvlaráffi celkojuvvo Soađegilis temáin dorvvolaš skuvla

Oahppit leat válljen ođđa skuvlajagi skuvlaráfi temán dorvvolaš skuvla. Dáinna sii háliidit muittuhit, ahte skuvla galgá sihkkarastit mánáide somás ja guoibmás oahppanbirrasa, gos ii dárbbaš leat fuolas givssideamis dahje okto báhcimis. Riikkadási skuvlaráfi cealkindáhpáhus lágiduvvo borgemánu 25 beaivve Soađegilis. Gažaldagas lea davimus báikegoddi, gos skuvlaráfi cealkin lea goassige lágiduvvon.

Buohkain galgá leat skuvllas dorvvolaš dovdu ja skuvlla galgá beassat vázzit almmá ahte dárbbaša ballat. Temá lea dehálaš, go skuvla lea báiki, gos mánát bajás šaddet ja skuvla ferte dáhkidit mánáide oadjebas oahppanbirrasa, muitaleaba Neea Vaaraniemi ja Iiris Neitola geat leigga mielde plánemin skuvlaráfi temá.

Olbmot, sánit ja dagut ráhkadit dorvvolaš skuvlla. Oadjebas skuvllas juohkehaččas lea dovdu, ahte sus beroštit. Berošteami dovdu ožžojuvvo áigái, go láhttejuvvo earáin bures ja maiddái ságastallo olbmuin nu ahte nubbi gudnejahtto. Buohkaid skibir ii dárbbaš leat, muhto juohkehačča dohkkeheapmi dakkárin go lea, lea dehálaš.

– Leago gii nu buoret go nubbi? Leago das mearkkašupmi, leago guhkki vai oanehis? Oadjebas skuvllas ii dárbbaš dáid smiehttat, Biret-Ingemaria Vars árvala.

Mii buohkat lea earáláganat iige geange galggašii guođđit okto earáláganvuođa dihtii. Dorvvolaš skuvllas oahppit loktet bures almmá, ahte dárbbaša smiehttat dahje leat fuolas givssideamis dahje okto báhcimis.

– Skuvla lea báiki, gosa lea suohtas boahtit, iige dárbbaš leat fuolas masge dahje smiehttat leago dáppe duođalaččat oadjebas leat, muitala Paulus Miettinen.

Skuvlaráffi-bargojoavkkus lea leamaš mielde Soađegili logahat, Tähtikunta skuvla ja Vuohču skuvla Soađegilis sihke Háhpáránddi giellaskuvla Ruoŧas.

Poles lea bargan oktasašbarggu skuvllaiguin logiid jagiid ja lea leamaš skuvlaráfi cealkimis mielde jagi 2000 rájes. – Poles bargá oktasašbarggu skuvllaiguin, vuoi mánáin ja nuorain livččii skuvllas dorvvolaš. Smávva oassi nuorain lea healbanvára vuolde, ja vuoi oktage ii  gahča eret, galgá healbanriskkaide darvánit. Sihke givssideapmi ja givssideami vuollái gártan sáhttet dagahit healbama. Danin dan ii galgga goassige dohkkehit, polesa njunušhoavda Seppo Kolehmainen lohká.

Son muittuha, ahte givssideapmi sáhttá deavdit rihkkosa dovdomearkkaid. Kolehmainen ávžžuha mánáid ja nuoraid almmuhit givssideami birra luohtehahtti ollesolbmui: – Muhtumin luohtehahtti rávesolmmoš ii gávdno ruovttus, muhto veahki sáhttá oažžut ovdamearkan oahpaheaddjis, skuvladearvvasvuođadivššáris dahje polesis.

Soađegili gieldda čuvgehusdoaibma ja Suoma vánhemiidlihttu lágidit skuvlaráffi  – vánhemiideahkeda maŋŋebárgga borgemánu 24 beaivve dmu 18. Eahkedan fáddán lea givssideami eastadeapmi ja skuvlaveahkaváldái darváneapmi. Zoom – vuođuin ollašuhtton eahkedii leat bures boahtin buot vánhemat ja skuvllaid bargovehkii gulavaš olbmot. Almmuheamit borgemánu 19 beaivve rádjai čujuhusas vanhempainliitto.fi/tapahtumat/ 

Skuvlaráfi cealkindáhpáhusa váldoloaiddasteaddjin lea sápmelašräppäri Ailu Valle. Dilálašvuođas lohkkojuvvo bargojoavkku nuoraid čállin skuvlaráfi cealkámuš.  Lassin lobis lea dásseválddi presideantta Sauli Niinistö čálalaš dearvvahus ja eará prográmma. Dáhpáhus álgá borgemánu 25. beaivve 2021 dmu 10.00 Soađegili lihkadanhállas (Haastajantie 6) ja bistá sullii diimmu. Dáhpáhus striimejuvvo ja dan sáhttá čuovvut skuvllain miehtá riikka.

Media ovddasteaddjit leat bures boahtin čuovvut skuvlaráfi cealkima báikki ala. Bivdo ahte dilálašvuhtii boahtti doaimmaheaddjit ja govvideaddjit almmuhit iežaset dieđiheaddji Eveliina Kutilai maŋimustá 23.8. čujuhussii eveliina.kutila(a)mll.fi dahje nummirii 040 580 2393.  

Skuvlaráfi cealkindáhpáhusa neahttasáddehusa sáhttá geahččat čujuhusas koulurauha.fi

Lassidieđut
plánejeaddji Elina Rautiainen, Mannerheim Mánáidsuodjalanlihttu, tel. 075 3245 414, elina.rautiainen(a)mll.fi
beaivválaš jođiheaddji Tiia Nyman, Mannerheim Mánáidsuodjalanlihtu Lappi biire, tel. 040 7577 043
oahpahusráđđi Satu Honkala, Oahpahusráđđehus, tel. 029 533 1544
polesdárkkisteaddji Ari Järvenpää, Polesráđđehus, tel. p. 029 548 1766
ossodathoavda Pia Rosengård-Andersson, Folkhälsan, tel. 044 788 3620
searvedoaimma áššedovdi Anri Leveelahti, Suoma Vánhemiidlihttu, tel. 044 755 1372
dieđiheaddji Eveliina Kutila, Mannerheim Mánáidsuodjalanlihttu, tel. 040 580 2393

Aiheeseen liittyvät

Vastaa

Sähköpostiosoitettasi ei julkaista. Pakolliset kentät on merkitty *

Huomioithan, että kommenttisi julkaistaan tarkistuksen jälkeen.

Takaisin ylös